เนื้อเพลง ฝนตกฮำ โดย บุษษา เมืองเลย

มื่อนี่ฝนตกฮำ
ฝนตกฮำ น้ำตาน้องเหี่ย
คิดฮอดอ้าย ผู้ถิ่ม ผู้ไปได้เมีย
คนใหม่ มันเจ็บใจบ่เซา

อยากย้อนความเก่า คราวหลัง
เป็นหยังอ้ายคือจั่งเลือกเขา
ฝนตกแฮงใจน้องกะแฮ่งเหงา
คิดฮอดผู้บ่าว คนที่จากลา

ฝนตกกะยังมีมื่อเอื้อน
กบกินเดือน กะยังมีมื้ออิ่ม
แต่สภาพของคนถืกถิ่ม
กินบ่อิ่ม นอนกะบ่เต็มตา

หมู่ท้วงว่าคนอกหัก
คือสิเป็นคักปานนั้นบ้อหนา
เลิกงานมานั่งเบิ่งฝน เบิ่งฟ้า
ปานน้ำตามันไหลโห่งหัวใจ
ปานน้ำตามันไหลโห่งหัวใจ

คิดฮฮดอ้าย คิดฮฮดบ่มีลิมิต
ตั้งแต่ตำอิต จนฮอดมื้อนี่ที่จากไป
แต่กี้เปียกฝน กะพอได้ซ้นกอดอ้าย
หนาวใจหรือว่าไข้กะซ่วงเซา

ปีนี้ฝนตกฮำ ก้ำฝ่ายน้อง
ได้แต้ฮ้อง เอิ้นหาแฟนเก่า
ให้ลมฝน เป็นภาระส่งข่าว
มีคนเหงาถ้าอ้ายต่าวคืนมา
มีคนเหงาถ้าอ้ายต่าวคืนมา

คิดฮฮดอ้าย คิดฮฮดบ่มีลิมิต
ตั้งแต่ตำอิต จนฮอดมื้อนี่ที่จากไป
แต่กี้เปียกฝน กะพอได้ซ้นกอดอ้าย
หนาวใจหรือว่าไข้กะซ่วงเซา

ปีนี้ฝนตกฮำ ก้ำฝ่ายน้อง
ได้แต้ฮ้อง เอิ้นหาแฟนเก่า
ให้ลมฝน เป็นภาระส่งข่าว
มีคนเหงาถ้าอ้ายต่าวคืนมา
มีคนเหงาถ้าอ้ายต่าวคืนมา